Adgang forbudt
Laurdag 26. juni skal midtsommaren igjen markerast ved at Slinningsbålet skal brenne. I Ålesund har dette vorte ein viktig tradisjon kvar sankthans. Men ver merksam på at du heller ikkje i år kan delta i denne lokale markeringa frå landsida på Slinningen, Hessa.
For å ivareta smitteomsyn og også sikkerheita generelt, vil det ikkje vere mogleg å stå på landsida av Slinningen for å sjå bålet. Men det er som i 2020 tilbod om to gode alternativ. Du kan sjå bålet frå båt eller du kan følgje det heile på direktesendinga til Bypatrioten laurdag klokka 20.00.
Avsperring, skilting rundt bålholmen og frå Kaptein Linges veg
Ålesund kommune, politiet og bålgjengen oppmodar folk om å ikkje oppsøkje landsida av Slinningen. Politiet opplyser at det vil verte skilta med stengd veg for publikum. Det vil berre vere mogleg for fastbuande å køyre til adressa si i perioden det er størst aktivitet ved Slinningsbålet. Vegen vert opna igjen utan nærare varsel.
Fyrverkeri etter tenning av bålet
I samband med sjølve tenninga av bålet klokka 21.00 er det gitt løyve til fyrverkeri. Politiet minner til slutt om droneforbod som ein har ved slike arrangement og at det blir lagt ut sperrelenker også i sjøen rundt Slinningsbålet som alle må respektere.
Politiet vil vere aktivt til stades ikkje minst på sjøen der dei også har med seg blant anna Redningsselskapet, Kystvakta, Røde Kors og Havnevesenet
